ಫಜೀತಿ

ಕನಸು ಬಿದ್ದಿತ್ತು ನನಗೊಂದು
ಮದುವೆಯ ಮುನ್ನಾ ದಿನದಂದು
ಅಲ್ಲಿತ್ತು ಸಂಭ್ರಮ ತುಸು ಜೋರು
ಅದರಲ್ಲಿ ಅವಳದೇ ಕಾರು ಬಾರು.

ಅಲ್ಲಿಯೇ ಕುಳಿತಿದ್ದೆ ಕಾರಿಡಾರಿನಲ್ಲಿ ನಾನು
ತಂಗಾಳಿಯಂತೆ ಸುಳಿಯುತ ಬರಲವಳು
ನೋಡಿಯೂ ನೋಡದಹಾಗೆ ತಿರುಗಿದಳು
ಆ ಕ್ಷಣದಲ್ಲೇ ಬಂಧಿಸಿದೆ ಬಾಹುಗಳಿಂದ ಅವಳನ್ನು

ನಾಚಿ ನೀರಾಗುವಷ್ಟರಲ್ಲಿ ಅವಳು
ಕೈ ಬಿಟ್ಟೆ ಮುತ್ತೊಂದನು ಕೊಟ್ಟು
ನಾಚುತ್ತ ಓಡಿ ಹೋದವಳೇ ನಿಂತು
‘ನಾಳೆ ಇದೆ ತಡೀರಿ ನಿಮಗಿನ್ನು!’ ಎನ್ನಲು

ನನಗಾಗ ಎದೆಯೊಳಗೆ ದಿಗಿಲು
ಏನೂ ತಿಳಿಯದಾಗಿ ಕನವರಿಸಲು
ಎಚ್ಚರವಾಯ್ತು ಮಧ್ಯರಾತ್ರಿ ಹೊತ್ತು
ಸಧ್ಯ ಮಂಟಪವೆಲ್ಲ ಮಲಗಿತ್ತು ಗಪ್ ಚುಪ್!!
*****